આવો શ્રી વલ્લભ

આવો શ્રી વલ્લભ, આવો શ્રી વિઠ્ઠલ

પડયું તમારૂં કામ રે

હરતા ફરતા હૈયામાં જડ્યું, મહાપ્રભુજીનું નામ રે

સેવાને ધર્મનો મારગ બતાવ્યો

શ્રી કૃષ્ણ: શરણં મમનો મંત્ર ગજાવ્યો

અગ્નિમાં અવતરી, આપે બનાવ્યું

ચંપારણ્ય યાત્રાનું ઘામ રે - હરતા ફરતા

ભાગવત ગીતાનો સાર સમજાવ્યો,

પુષ્ટિમાર્ગ નો મહિમા વઘાર્યો

તમ સંગાથે આજે કરવા છે,

મારે યમુના પાન રે - હરતા ફરતા

જય શ્રી કૃષ્ણ બોલતા ને સૌને બોલાવતા,

જ્ઞાન દિપકની જ્યોત પ્રગટાવતા

કામ ક્રોધ સૌ દુર થઈ જાશેને,

થાશે અંતરમાં આરામ રે - હરતા ફરતા

વૈષ્ણવના પ્રાણ તમે હૈયાનુ હિર છો

સત્ય સનાતન સુકાની ધીર છો

તમારે ચરણે રાખો શ્રીનાથજી

આપો દર્શનના દાન રે - હરતા ફરતા