આજ મારા મંદિરીયામાં

આજ મારા મંદિરીયામાં માલે શ્રીનાથજી,

જોને સખી કેવા રૂમઝુમ ચાલે શ્રીનાથજી

જશોદાના જાયા ને નંદજીના દુલારા,

મંગલા ની ઝાંખી કેવી આપે શ્રીનાથજી - આજ

જરકસી જામો ધરી ઉભા શ્રીનાથજી,

જગતના છે સાચે સાચા સુબા શ્રીનાથજી - આજ

મોહન માળા મોતી વાળી ધરી શ્રીનાથજી,

પુષ્પની માળા પર જાઉ વારી શ્રીનાથજી - આજ

શ્રીનાથજી ને પાયે ઝાંઝર શોભે શ્રીનાથજી,

સ્વરૂપ દેખી મુનીવર ના મન લોભે શ્રીનાથજી - આજ

ભાવધરી ભજો તમે બાલ કૃષ્ણ લાલજી,

વૈષ્ણવજનને અતી ઘણા વ્હાલા શ્રીનાથજી - આજ

શ્રીવલ્લભ ના સ્વામીને અંતરયામી,

દેજો અમને વ્રજમાં વાસ શ્રીનાથજી - આજ