આજ વલ્લભ પધાર્યા

આજ વલ્લભ પધાર્યા મારે આંગણે રે

મારે ઉર માં આનંદ થાય, બહેના - આજ

મેં તો મોતીડાં ના ચોક પુરાવિયા રે,

કાંઈ તોરણ બાંધ્યા દ્વાર, બહેના - આજ

મેં તો કદલી સતંભ રોપાવીયા રે,

મારા હૈયા ના હરખ ના માય, બહેના - આજ

મેં તો મંડપ રચાવ્યા મહા મોહશું રે,

હું તો તેડાવું સાહેલી નો સાથ, બહેના - આજ

હું તો ફુલંગ ટંગાવું ભાત ભાતના રે

હું તો વધાવું શ્રી વલ્લભનાથ, બહેના - આજ

ભાત ભાતની સામગ્રી કરી પૂરીશું રે

હું તો બિછાવું ફૂલડાંની સેજ, બહેના - આજ

હું તો કર જોડી ને કરું વિનંતી રે,

વ્હાલા પૂરો મારા મન તણી રામ, બહેના - આજ