આંગણ ઉત્સવ બની આવો

આંગણ ઉત્સવ બની આવો શ્રીનાથજી

સંગે સોહે રૂડા, શ્રી યમુના માતજી – આંગણ

બ્રીજનાં નંદલાલા, રાધા વરવાળા

ગોવર્ધનનાથ શ્રીજી કરું કાલાવાલા

શ્રીજી આ વિનતી મારી કરજો સ્વીકાર જી – આંગણ

નૈનોના દ્વારે, તોરણ બંધાવું

ટીડીયોની કપારીયે તુલસી રોપાવું

ઝાંખી કરતા નૈનોના સુખનો નહીં પાર જી – આંગણ

દર્શન આપી કરુણા વરસાવી

ભક્તોને પુષ્ટિનો મારગ સમજાવી

હાથ જોડી કરાવો, ભવસાગર પાર જી - આંગણ