આવ્યા શ્રી યમુનાજીના નોતરાને

આવ્યા શ્રી યમુનાજીના નોતરાને,

મારે જાવું શ્રી વ્રજ પરદેશ રે, આજ કોઈ રોકો નહિ

સ્નેહે સિધાવું હું તો એકલીને, મારે ધરવો છે સાદો વેશ રે - આજ

આશા ભરી હું તો ઉપડુને, મારે વસવું છે પ્રેમને પરદેશરે - આજ

છેટી છે વ્રજનીં વાટડીને, કાંઈ છેટા છે ઠકુરાણી ઘાટરે - આજ

ગંગા નાહ્યાને નાહ્યા ગોમતીને, મારે કરવા શ્રી યમુના પાનરે - આજ

શ્રી યમુનાજીને કાંઠે ઉભી નાવડીને, મારો વાલો જાુવે છે મારી વાટરે - આજ

નાવમાં બેસીને અમે ચાલશું ને, મારે જાવું છે વિશ્રામ ધાટરે આજ

શરદ પૂનમની રાતડીને, મારે વાલે રમાડયાં રાસ રે - આજ

‘વલ્લભ' ના સ્વામી પ્રભુ શામળાને,

અમને દેજો શ્રી વ્રજમાં વાસ રે - આજ