અમી ભરેલી નજરું રાખો

અમી ભરેલી નજરું રાખો, મેવાડના શ્રીનાથજી

દરશન આપો દુ:ખડા કાપો (૨) મેવાડના શ્રીનાથજી - અમી ભરેલી

ચરણ કમળમાં શીશ નમાવી, વંદન કરું શ્રીનાથજી

દયા કરીનેં ભક્તિ દેજો (૨) મેવાડનાં શ્રીનાથજી - અમી ભરેલી

હું દુ:ખીયારો, તમારે દ્વારે, આવી ઉભો શ્રીનાથજી

આશિષ દેજો ઉરમાં લેજો (૨) મેવાડંના શ્રીનાથજી - અમી ભરેલી

તારે ભરોસે જીવન નૈયા, હાંકી રહ્યા શ્રીનાથજી

બની સુકાની પાર ઉતારો (૨) મેવાડના શ્રીનાથજી - અમી ભરેલી

ભક્તો તમારા કરે વિનંતી, સાંભળજો શ્રીનાથજી

મુજ આંગણીયે વાસ તમારો (૨) મેવાડના શ્રીનાથજી - અમી ભરેલી