અરજી અમારી

હાં રે વહાલા અરજી અમારી સુણો શ્રીનાથજી !

લઇ જાજે તારા ઘામમાં - હાં રે વહાલા

હાં રે મારા અંત સમયના બેલી,

હાં રે હવે મેલો નહિ હડસેલીં,

હાં રે હું તો આવી ઊભો તમ દ્વારે,

શ્રીનાથજી ! લઇ જાજે તારા ધામમાં - હાં રે વહાલા

હાં રે નાથ! કરુણા તણા છો સિંધુ,

હાં રે હું તો યાયું છું એકજ બિંદુ,

હાં રે એક બિંદુમાં નહિ થાય ઓછું,

શ્રીનાથજી! લઇ જાજે તારા ઘામમાં - હાં રે વહાલા

હાં રે મારું અંતર લેજો વાંચી,

હાં રે નથી મેંદીમા લાલી લખાતી,

હાં રે પાને પાને એ પ્રસરી જાતી,

શ્રીનાથજી! લઇ જાજે તારા ઘામમા - હાં રે વહાલા

હાં રે તને સમજુને શું સમજાવું,

હાં રે કહે તો અંતર ખોલીને બતાવું

હાં રે તારા ભક્તોને એક જ આશ,

શ્રીનાથજી! લઇ જાજે તારા ઘામમા - હાં રે વહાલા