છોડી દીયોને વનમાળી રે

છોડી દીયોને વનમાળી રે

પાલવડો મારો, છોડી દીયોને વનમાળી

ગોકુળ ગામની હું રે ગોવાલણ

મથુરાની વાટે મારે જાઉં રે – પાલવડો

માથે મટુકી ને મહીડાં રે વેચું

શાને રોકો છો મોરારી રે – પાલવડો

નીત ઊઠીને તારે દાણ રે માંગવું

રોજ મારે દાણ ક્યાંથી દેવું રે – પાલવડો

રાજા તે કંસના રાજમાં તું રહે છે

નથી અહીં નંદજીનું રાજ રે – પાલવડો

આહીરની જાતને અવળી છે રીત રે

કોની પાસે આવી આ રાવ રે – પાલવડો

નંદ જશોદાના કુંવર કનૈયા

તમ જીત્યા ને હું તો હારી રે – પાલવડો