એવા જમુનાજીના નામ

એવા જમુનાજીના નામ અમને પ્રાણ પ્યારા છે

એવા મહારાણીજીના પાન અમને પ્રાણ પ્યારા છે

પ્રાણ પ્યારા છે અમને અધિક વ્હાલા છે - એવા જમુનાજી

સૂરજ દેવાતાની દીકરીને યમરાજાની બેનડી

વરિયા ચૌદ ભુવનના નાથ અમને પ્રાણ પ્યારા છે - એવા જમુનાજી

શ્યામ ઘાટે, ગોકુલ વાટે, ઠકુરાણી ઘાટે બિરાજતા

આરતી વિશ્રામ ઘાટે થાય, અમને પ્રાણ પ્યારા છે - એવા જમુનાજી

જમુનાજીના પાન કરતા, પાપી પાવન થાય

એમના દર્શન કરતા દુઃખ જાય, અમને પ્રાણ પ્યારા છે - એવા જમુનાજી

તાલ મૃદંગ ને વેણુ વાગે, શોભાનો નહિ પાર

બલીહારી જાય માધવદાસ, અમને પ્રાણ પ્યારા છે - એવા જમુનાજી