હારે ઝૂલે ઝૂલે શ્રીનાથજી ઝૂલે

હારે ઝૂલે ઝૂલે શ્રીનાથજી ઝૂલે

હારે જોઈ વૈષ્ણવના હૈયા ફુલે – હારે

હારે સોનાનો હિંડોળો બનાવ્યો

હારે તેમાં હીરા માણેકે મઢ્યો – હારે

હારે જાય જોઈનો હિંડોળો બનાવ્યો

હારે તેમાં ગુલાબને મોગરો ભરીયો – હારે

હારે શાક પાનનો હિંડોળો બનાવ્યો

હારે તેમાં ગુવારને કાકડી સોહે – હારે

હારે ફળફૂલનો હિંડોળો બનાવ્યો

હારે તેમાં કેળાને નાસપતિ સોહે – હારે

હારે કુંજ સદનમાં હિંડોળો બનાવ્યો

હારે રાધા કૃષ્ણને સંગ ઝુલે – હારે

હારે લલીતાજી ઝુલાવે હેતે

હારે સત્યભામાજી ચમર ઢોળે – હારે

હારે શ્રી વલ્લભના સ્વામી રસીયા

હારે મારા હૃદય કમળમાં વસીયા - હારે