હે કરુણાના કરનારા

હે કરુણાના કરનારા, તારી કરુણાનો કોઈ પાર નથી;

હે સંકટના હરનારા, તારી કરુણાનો કોઈ પાર નથી;

મેં પાપ કર્યા છે એવાં, હુ ભૂલ્યો તારી સેવા;

મારી ભૂલોને ભૂલનારા, તારી કરુણાનો કોઈ પાર નથી

હુ અંતરમાં થઈ રાજી, ખેલ્યો છું અવળી બાજી;

અવળી સવળી કરનારા, તારી કરુણાનો કોઈ પાર નથી

હે પરમ કૃપાળુ વાલા, મેં પીધા વિષના પ્યાલા;

વિષને અમૃત કરનારા, તારી કરુણાનો કોઈ પાર નથી

કંઈ છોરુ કછોરું થાય, પણ માવતર તું કહેવાય;

શીતળ છાયા દેનારા, તારી કરુણાનો કોઈ પાર નથી

મને જડતો નથી કિનારો, મારો કયાંથી આવે આરો;

મારા સાચા કેવલ હારા, તારી કરુણાનો કોઈ પાર નથી

છે જીવન મારું ઉદાસી, પ્રભુ શરણે લે અવિનાશી;

રાધાનાં દિલ હરનારા, તારી કરુણાનો કોઈ પાર નથી