કાનુડો દાણ માંગે

હાં રે દાણ માંગે, કાનુડો દાણ માંગે

તારી મીઠી બોલીના બાણ વાગે - કાનુડો દાણ માંગે

હાં રે કાન કયા મુલકનો સુબો

હાં રે મારા મારગ વચ્ચે આવી ઉભો - કાનુડો દાણ માંગે

હાં રે કાન કીયા મુલકનો રસિયો

મારાં મારગ વચ્ચે આવી વસીયો - કાનુડો દાણ માંગે

હાં રે કાન કીયા મુલકનો ધણી

હાં રે મારી નવરંગ ચુંદડી તાણી - કાનુડો દાણ માંગે

હાં રે કાન કીયા મુલક નો મહેતો

હાં રે મારા મારગ વચ્ચે આવી રહેતો - કાનુડો દાણ માંગે

હાં રે કાન જળ જમનાજીના આરે

હાં રે એમા કોણ જીતે કોણ હારે - કાનુડો દાણ માંગે

હાં રે કાન નથી સાકર નથી મેવા

હાં રે ખાટી છાશમાં શુ આવ્યો લેવા - કાનુડો દાણ માંગે

હાં રે દાસ માધવ ના સ્વામી

હાં રે હુ તો તમ પર જાઉં વારી - કાનુડો દાણ માંગે