કૃષ્ણજીના નામની તું લૂંટ લૂંટી લે

કૃષ્ણજીના નામ ની તું લૂંટ લૂંટી લે,

શ્રીજીના ચરણે જઈ બેડો પાર કરી લે

ધ્યાન ધરે એને પ્રભુ જ્ઞાન અપાવે,

ગીરીને ધરીને ગિરિધર એ કહાવે,

ગોકુલના નાથ નું તું નામ સ્મરી લે,

શ્રીજીના ચરણે જઈ બેડો પાર કરી લે - કૃષ્ણજીના

દિવ્ય સ્વરૂપ આનંદના સાગર શ્રીનાથજી,

નેહ જે વરસાવે એ સ્નેહલ શ્રીનાથજી,

પ્રેમને આનંદ ના તું રાસ રચી લે,

શ્રીજીના ચરણે જઈ બેડો પાર કરી લે - કૃષ્ણજીના

શ્રીજી નામ રટતા મન ના દુઃખ દૂર થાય,

નિત્ય હરિ છબી જોતા જીવ તરી જાય,

હિતકારી શ્રીજીને પ્રણામ કરી લે,

શ્રીજીના ચરણે જઈ બેડો પાર કરી લે - કૃષ્ણજીના