કૃષ્ણ રમાડે છે રાસ

કૃષ્ણ રમાડે છે રાસ, ગોપીઓ ઘેલી બની છે,

દર્શનની હૈયે છે આશ,

ઘરના તે કામ કાજ પડતા મૂકીને,

સૂની હો બંસરીનો નાદ - ગોપીઓ

અવળા આભૂષણ પ્રેમથી પહેર્યા,

નેપુર ચડાવયા છે કાન - ગોપીઓ

સેંથા ઉપર કાજળ લગાડ્યું,

હીંગળો લગાડ્યો લલાટ - ગોપીઓ

વૃંદા તે વનમાં રાસ રચ્યો છે,

વ્હાલો રમાડે છે રાસ - ગોપીઓ

દો દો ગોપી બીચ બીચ માધો,

નાચે છે દઈ દઈ તાલ - ગોપીઓ

માધવદાસ ના સ્વામી શામળિયા,

રંગે રમાડ્યા છે રાસ - ગોપીઓ