લાલાને લાડ લડાવો

લાડ લડાવો લાલાને લાડ લડાવો,

નાની મોટી ગોપી મળી મંગળ ગાવો - લાલાને

ઉઘડયો છે આજ ભાગ્ય ગોકુળીયા ગામના,

પૂરી છે આજ વાલે જશોદાની ભાવના,

આયરને મળયો આજ અમુલખ લાવો - લાલા ને

વાંકળીયા વાળ ઓળી આંજણ આંજણજો,

ગાલે ટપકું કરીને વારી વારી જો જો,

નાનકડું મોર પીંછું માથે લગાવો - લાલાને

પીળું ઝબલું પહેરાવી કંદોરો બાંધજો,

જો જો ન પડે મારા વાલાને વાંધો,

રીસાઈ જાય તો તાળી પાડી માનવો - લાલાને

નાનકડી બંસી એક આપો એના હાથમાં,

વાલ કરીને વાલાને તેડી લેજો બાથમાં,

મસ્તક ચૂમીને એને નયને નવરાવો - લાલાને

માધવદાસ ના સ્વામી શામળિયા,

માખણને મિસરીનો ભોગ ધરાવો - લાલાને

લાડ લડાવો લાલાને લાડ લડાવો,

નાની મોટી ગોપી મળી મંગળ ગાવો - લાલાને