મેં તો જુગલ સ્વરૂપે જોયા

મેં તો જુગલ સ્વરૂપે જોયા, શ્રી જમુનાજી રે

મારા ભવના દુઃખડા ખોયા, શ્રી જમુનાજી રે - મેં તો જુગલ

પહેરી ચોળી કસુંબા સાડી

એવા સ્વરૂપ નીરખવા ધારી

માએ સોળે સજ્યા શણગાર, શ્રી જમુનાજી રે - મેં તો જુગલ

નાકે નકવેસર છે મોતી

ભાલુકા ચમકે ઝગમગ મોતી

માણેક હીરાની અતિ જ્યોતિ, શ્રી જમુનાજી રે - મેં તો જુગલ

નૂપુર ઘુઘરી રણકે ચરણે

મારું મનડું તમારે શરણે

ભુજકંકણમાં રૂડા શોભે, શ્રી જમુનાજી રે - મેં તો જુગલ

સુંદર રૂપે શ્યામ સ્વરૂપ

તનને મોહ્યા છે વ્રજના ભૂપા

લાલ કમળમાં લપટાણા, શ્રી જમુનાજી રે - મેં તો જુગલ

સદા બિરાજો વ્રજની માય

પુષ્ટિમારગની કરવા સહાય

શ્યામ ચરણ દો માં ભક્તિ, શ્રી જમુનાજી રે - મેં તો જુગલ

માજી હું તો તમારો દાસ

રાખો ચરણ કમળની પાસ

જોતા જન્મ સુધાર્યો આજ, શ્રી જમુનાજી રે - મેં તો જુગલ