રાધાજી નું ઝાંઝરીયું

રાધાજી ના દાદાજી એ ઝાંઝરીયું ઘડાવિયું

માતાજી એ હરખે પહેરાવિયું રે – રાધાજી નું

ચાર પાંચ સૈયર ભેડા થઇ ને

ચાલો રાધા પાણીયે – રાધાજી નું

સુંડલા ઈંઢોણી ને રૂપલાનું બેડું

રાધા પાણી ચાલ્યા રે – રાધાજી નું

વાંકા વળી ને રાધા ઘલુલો રે ભરાતાં

ઝાંઝર જળ માં ડૂબ્યું રે – રાધાજી નું

ધ્રુસ્કે ને ધ્રુસ્કે રાધાજી રૂંવે છે

સૈયર છાના રાખે રે – રાધાજી નું

ગાયો ચરાવતો એક ગોવાળ આવ્યો

રાધાજી ને પૂછવા લાગ્યો રે – રાધાજી નું

ઝાંઝર કાઢો તો એક ડોકળો રે આપું

કોઈક દિન માખણ આપું રે – રાધાજી નું

કછોટો વાળી ને પ્રભુ જલમાં રે પડિયા

ઝપકે ઝાંઝર લાવ્યા રે – રાધાજી નું

ડોકળો ના આપ્યો એને માખણ ના આપ્યું

રાધાજી એ અંગુઠો બતાવ્યો રે – રાધાજી નું

ચાર પાંચ ગોવાળ ભેડા થઈને

રાધા ને રસ્તે રોક્યા રે – રાધાજી નું

રાધાજી તો પ્રભુજી ને પાયે રે પડિયા

તમે જીત્યા અને અમે હારિયા રે – રાધાજી નું

માખણ જોઈ તો બરસાના આવજો

ડોકળો જોઈ તો ગોકુલમાં આવજો

પ્રભુજી તો મંદિર જય ને ઉભા રે – રાધાજી નું

માખણ આપિયું ને ડોકળો આપ્યો

ઉપર થી રાધાજી ને પરણાવીયા રે – રાધાજી નું

રાધાજી નું ઝાંઝર જે કોઈ ગાશે

વ્રજમાં વાસ એનો થાશે રે – રાધાજી નું