શામળિયો મળીયો મને

શામળિયો મળીયો મને શ્રી યમુનાજીની કુંજમાં,

લાડીલો મળીયો મને શ્રી યમુનાજીની કુંજમાં,

કુંજમાં ગયતી મને નાખી દીધી કુંડમાં,

અંગોઅંગ ભીંજી હું તો રસિયાજીના રંગમાં.

સાખી ૧

કુંજ સદન soohamana શોભા અપરંપાર,

વ્રજ જુવતીના જૂથમાં બિરાજે શ્રીગીરધરલાલ,

સાન હરિ કહે છે સખી ચાલો વૃંદાવનમાં - શામળિયો

સાખી ૨

વૃંદાવન ચાલી સખી પહેરે નવરંગ ચીર,

વાંસલડીની ધૂન સૂણી નવ રહી ધારણ ધીર,

શ્રીયમુનાજીના ઘાટમાં ને સહેલીના સાથમાં,

આવીને ઓચિંતી મને ભીડી અંગે અંગમાં - શામળિયો

સાખી ૩

વાટ ઘાટ ઉભા રહી ને કાંકરી નાખે કાન,

સહુ સખીઓના દેખાતાં કીધી વહાલે સાન,

બેઠીતી ઘર કામમાં ને સૂણી ધૂન કાનમાં,

ચાલી હું તો તાનમાં ને રીઝી એના ધ્યાનમાં - શામળિયો

સાખી ૪

કામધામથી પરહરિ નિસરી ઘરથી બાર,

એ વહાલાને કારણે મેં ત્યજ્યાં કુટુંબ પરિવાર,

લાલની લટકામાં ને ભ્રગુટીની મટકમાં,

ચાલની ચટક મન વસ્યું છે મુગુટમાં - શામળિયો

સાખી ૫

લટક મટક રસિયા તણો મદન મનોહર વેશ,

મોર મુકુટ સોહામણાં ઘુઘરવાળા કેશ,

દાસ કહે છે કોડ પૂરો મારા મનના,

આપો વ્રજવાસ દાસ થવું વ્રજજનના - શામળિયો

સાખી ૬

આશા પુરી સહુ મન તણી કીધા રાસ વિલાસ,

દાસ કરીને સ્થાપીયા રાખ્યાં ચરણકમળની પાસ - શામળિયો