શ્રીમદન મોહનજી

શ્રી મદન મોહનજી મોરલી ધરી

વારં વાર નીરખું નેણલાં ભરી - શ્રી મદન

નેણ ભરી ને નીરખતા આનંદ આવે બહુ (૨)

અંતર માં હરિ આપ બિરાજો કરજોડી ને કહું - શ્રી મદન

કાને કુંડળ માથે મુગટ હસી હસી લૈયે તાળી (૨)

અંતર માં હરિ આપ બિરાજો પાપ નાખીયા બાળી - શ્રી મદન

બાયે બાજુ બંધ બેરખા ને કંઠે નવસરો હાર (૨)

અંતર માં હરિ આપ બિરાજો ભલે થયા અવતાર - શ્રી મદન

કેડે કંદોરો વાંકડો ને ઘુઘરી ઘમ ઘમ વાગે (૨)

અંતર માં હરિ આપ બિરાજો દાસ એવું માગે - શ્રી મદન

દાસ દયાની વિનતી સુણી પ્રેમથી પધાર્યા વાલો શ્રી વ્રજના ધણી - શ્રી મદન