શ્રી વલ્લભનો રંગ

લાગી ગયો લાગી ગયો લાગી ગયો રે,

શ્રી વલ્લભનો રંગ મને લાગી ગયો રે

ચંપારણ્ય રૂડું ધામ રળિયામણું,

કાંકરવાડ એવું નામ ધર્યું રે - શ્રી વલ્લભનો

મેવાડ માં શ્રીનાથજી બિરાજે,

વૈષ્ણવો આવી તારી ઝાંખી કરે રે - શ્રી વલ્લભનો

તનડા માં લાગ્યો મારા મનડાં માં લાગ્યો,

રોમે રોમે શ્રી વલ્લભ વ્યાપી રહ્યા રે - શ્રી વલ્લભનો

પહેલા વૈષ્ણવ દામોદરદાસ કહીએ,

કૃષ્ણદાસ ઉપર વ્હાલે કૃપા કરી રે - શ્રી વલ્લભનો

જમુનાવાતામાં કુંભનદાસ બિરાજતા,

ચત્રભુજ રૂપે વ્હાલો પ્રગટ થયા રે - શ્રી Vallabh-no

ચોર્યાસી વૈષ્ણવની વાર્તા રુડી સાંભળો,

વાટે ને ઘાટે વ્હાલો પ્રગટ થયા રે - શ્રી વલ્લભનો

દીનદાસીની આ વિનંતી સ્વીકારજો,

દાસીને ચરણો ની પાસે રાખો રે - શ્રી વલ્લભનો