શ્રી વલ્લભનો રંગ મને લાગી ગયો

લાગી ગયો, લાગી ગયો, લાગી ગયો રે

શ્રી વલ્લભનો રંગ મને લાગી ગયો રે

ચંપારણ રૂડું ધામ સોહામણું

કાકરવાડા એવું નામ ધર્યુ રે – શ્રી વલ્લભનો

મેવાડમાં શ્રી નાથજી બિરાજે

વૈષ્ણવ આવી તારી ઝાંખી કરે રે – શ્રી વલ્લભનો

તનડામાં લાગ્યો, મારા મનડામાં લાગ્યો,

રોમે રોમે વલ્લભ વ્યાપી રહ્યો રે – શ્રી વલ્લભનો

પહેલા વૈષ્ણવ દામોદરદાસજી કહેવાય,

કૃષ્ણદાસ ઉપર વ્હાલે દયા કરી રે – શ્રી વલ્લભનો

જમનાવતામાં કુંભનદાસસજી બિરાજે,

ચત્રભુજ રૂપે વ્હાલો પ્રગટ થયા રે – શ્રી વલ્લભનો

ચોર્યાસી વૈષ્ણવની વાર્તા વિચારીએ,

વાટે ને ઘાટે વ્હાલો પ્રગટ થયા રે – શ્રી વલ્લભનો