શ્રીજી આવો તે રંગ

શ્રીજી આવો તે રંગ મને શીદ લગાડયો

બીજો ચઢતો નથી એકય રંગ વિઠ્ઠલનાથ - આવો તે રંગ

હૂ તો વ્રજમા ગઈ ને મારૂ મન મોહયૂ

મારી જાગી પૂરવની પ્રીત વિઠ્ઠલનાથ - આવો તે રંગ

મારે રહેવુ અહીંયા ને મેળ તારો થયો

હવે કેમ કરી દહાડા જાય વિઠ્ઠલનાથ - આવો તે રંગ

રંગ છાટ્ટયો તો છાંટી હવે પૂરો કરો

નિત્ય તમારા દર્શન થાય વિઠ્ઠલનાથ - આવો તે રંગ

રંગ છાટ્યો એવો કે મારૂં હૈયું રંગ્યું

હૈયું રહેતું નથી હવે હાથ વિઠ્ઠલનાથ - આવો તે રંગ

તારૂં મૂખડૂં જોઈને મારૂં મન મોહ્યૂ

મારા તૂટે છે દિલડાના તાર વિઠ્ઠલનાથ - આવો તે રંગ

દાસ વૈષ્ણવને આશરો તમારા

એણે સર્વે સમર્પણ કીધા વિઠ્ઠલનાથ - આવો તે રંગ