શ્રીજી બાવા સહાય કરે

જેને મારા શ્રીજી બાવા સહાય કરે

લાખ ઉપાધિ આવે તોયે ના નડે

હૈયું ખોલી હેત એના ચરણે ધરે – લાખ

સંસારીની સાથે જેને નથી લેવા દેવા (૨)

મનથી સ્વીકારી મારા પ્રભુજીની સેવા

વ્હાલો મારો (૨) આવી એની વ્હારે ચઢે – લાખ

હ્રુદિયાનો ભાવ જોતા થાતો રાજી રાજી (2)

પળમાં સુધારી દેતો બગડેલી બાજી

પાગલ થઈને (૨) એના પંથે પગલાં ભરે – લાખ

સાવરીયાને સાથે બાંધી દિલડાની દોરી (૨)

સુખનો સાગર એની સામે આવે દોડી

ભક્તો એના (૨) પ્રેમમાં પાછા ન પડે – લાખ