શ્રીજી તારો હિંડોળો

શ્રીજી તારો હિંડોળો ઝાકમ ઝોળ

પ્રભુ તારો હિંડોળો ઝાકમ ઝોળ

મેવાડ દેશમાં ડુંગરે બાંધ્યો

બાંધ્યો સોનાને દોર - શ્રીજી

કાંગરે, કાંગરે પોપટ ટહુકે

ટહુકે કળાયેલ મોર - શ્રીજી

ડુંગરે, ડુંગરે દિપક ઝળકે

ઝળકે ચંદ્રીકા ચકોર - શ્રીજી

કુમ કુમ કેસર, કેવડો, ચંદન

ઉડે કુવાંરાની છોળ - શ્રીજી

ફુલમાળા સુવાસિત ગુંથીને

ઝૂલે તોરણ ચારે કોર - શ્રીજી

જંગલ, મંગલ ઘામ શું સુંદર

મેવાડ દેશ અણમોલ - શ્રીજી

સોળે સરસ શણગાર સજીને

ઝૂલે નવનિત પ્રિયાજીની જોડે - શ્રીજી

મનડાના કોડ પુરા શ્રીજીબાવા

ઝુલાવે તમને રોજ - શ્રીજી

દાસ વલ્લભ ના સ્વામી શામળિયા

ઝુલાવે શ્રી વલ્લભ કુળ - શ્રીજી