ઝાંખી કરતા જમુનાજીની

ઝાંખી કરતા જમુનાજીની આનંદ ઉર ના સમાય રે

વારે વારે દર્શન કરવા મન મારું લલચાય રે - ઝાંખી

ચંચળ નયન કમલ અણીયારા શિતલીયાળા કેશ રે

ચટકેલી ચૂંદડી એ શોભે (૨) સુંદર બાળા વેશ રે – ઝાંખી

કર કંકણ પગ નૂપૂર સોહે રુમઝુમ રુમઝુમ બાજે રે

ભાલે ટિલડી કાને કુંડળ (૨) હૈયે હાર બિરાજે રે - ઝાંખી

સોળે સજયા શ્રીંગાર શ્રી અંગે હસ્ત કમલ માં માળા રે

રૂપ અનુપમ નીરખી નયને (૨) જોયા નંદલાલ રે – ઝાંખી

નવધન શમધન શ્યામલ વરનું મંદ મંદ મુશ્કાયે રે

કૃપા દ્રષ્ટિ ની વૃષ્ટિ કરતા (૨) ભક્ત હ્રદય ભિંજાય રે – ઝાંખી

યમુના યમુના નામ રટે તો તન ના તાપ નસાયે રે

લાલ શ્રી યમુના ચરણ શરણ થી (૨) વાસ વ્રજ માં થાયે રે -ઝાંખી